世界上間中都會出現一啲筍工，人工高冇學歷要求仲唔使點做。（KK園咩！邊有咁大隻蛤乸隨街跳啊！）
日本之前有份好筍嘅兼職，係由「宇宙航空研究開発機構（JAXA）」招聘（好似美國NASA嗰種），搵人做宇宙醫學實驗，2個星期左右淨係瞓喺度，就有成38萬Yen，正宗瞓喺度賺錢。
研究主要係關於人係無重力密閉空間內嘅精神狀態以及壓力測試。其實呢啲錢並唔係你想像中咁容易賺，食嘢去廁所都要瞓喺度唔可以起身，植物人咁樣喎，諗起都腰骨痛。不過依然吸引咗好多人爭住報名，超額成幾千倍，始終呢啲機會唔係成日有。
香港如果有呢啲工，你有冇興趣呢，聞西？
資料出處：https://money-do.jp/earn/unusual_work/
圖片出處：國產凌凌漆