様子見

日本今日都開始可以除罩相見啦。

「様子見（ようすみ）」並唔係解啲人終於除罩見到個樣，而係指「觀望、睇情況」嘅意思。唔好就咁睇字面亂估個意思呀。

實際上據報導今早好似東京丸の内呢類商業區，大部分上班族都仲係戴住口罩嘅。一嚟人煙稠密嘅地方，可能唔少人都認為戴住穩陣啲，二嚟應該係進入咗「花粉症（かふんしょう）」時期，聽講今年花粉量仲要比往年多，戴返個口罩防敏感呀。

戴定唔戴從來都唔係問題，你有冇選擇嘅自由先至係問題。

資料出處：
news.yahoo.co.jp