「物価の優等生（ぶっかのゆうとうせい）」係指價格長期都保持相對穩定嘅商品，即使喺高通脹時期，價格都能維持小幅度變化。喺日本，一般係指雞蛋🥚。
雞蛋係日本人日常生活不可或缺嘅食品，穩定嘅價格對國民嚟講十分重要。日本嘅雞蛋價格幾十年嚟都冇大幅變動，係因為養雞業者多年來透過改良雞種、飼料、養殖方式，以及機械化大量生產等因素而實現嘅。
不過呢個情況從舊年開始出現咗變化。日本係一個十分倚賴原材料輸入嘅國家，舊年啲Yen跌到好甘💴📉，令到原材料價格急劇上升📈，飼料自然亦貴咗唔少。好衰唔衰仲要禽流感，從舊年10月到今年1月，已經殺咗超過1100萬隻雞，令雞蛋供應劇減，因此雞蛋價格不斷上升。據報中size嘅雞蛋公斤批發價從舊年初¥151，升到今年初¥272，足足升咗8成‼️
睇返香港，咪又係咩都加，淨係人工唔加。其實我應該叫『給料の優等生』（人工長期保持不變😭）冇咩事我返出去做嘢喇…