農曆年假期之後，大家有冇收到好多親戚朋友拜年送嚟嘅賀禮呢？每年都係收得太多，經常擺到中秋都食唔哂，所以一定搵機會轉贈俾其他人。
日本人都會咁做，叫「お裾分け（おすそわけ）」，係指從他人那裡得到的東西、利益等，將一部分再分享俾其他人。（本來只限於指從別人處得到嘅嘢，後來自己煮多咗嘢呀、種嘢收成多咗再分俾人等情況都有人會照用）
裾（すそ）係指和服嘅下擺，即係分分鐘拖哂地整污糟哂，微不足道嘅位置。所以「お裾分け」有將「唔重要、多餘嘅嘢同人分享」嘅含意。不過呢個講法對長輩或上司用就有啲失禮喇（多餘冇用嘅你先俾我呀？！），而且將人哋送俾你嘅嘢形容到微不足道咁都唔係好尊重啦。
咁點講好？用「お福分け（おふくわけ）」）啦，將從別人處得到嘅福氣與人分享，聽落都順耳好多啦。