日本最近迎來入冬以來最強一波寒流，全國多地遭逢大雪，陸空交通大受影響。
其實每逢踏入冬季，日本嘅新聞經常會出現「立ち往生(たちおうじょう)」呢個字。
從字面上直譯就係「企喺度過世」。
呢個字其實係源於平安時代一個叫「弁慶（べんけい）」嘅僧人嘅悲壯故事。相傳佢「好打得」，經常同其他武士比武，贏咗就會收咗人哋把太刀，前前後後收集咗999把，直至遇到源義經就打輸咗俾佢。自此就成為源義經嘅家臣。
後來源義經同佢阿哥源頼朝對立，弁慶一路保護住源義經走佬，直到衣川之戰，弁慶捨身護主，身中多箭並且站著而死，就係著名嘅「弁慶の立ち往生」。
現在則引申出進退維谷、動彈不得嘅意思。日常生活多用於指交通工具因惡劣天氣或故障等因素而動彈不得，或事情遇上困難而呈膠著狀態。