【恵方巻（えほうまき）】
節分當日食恵方巻的習俗，其實唔算好耐歷史，大概係90年代開始，到2000年之後左右先開始喺日本全國流傳起嚟。
起源之說未有定論，多數認為係幕末至明治初期，大阪嘅商人同花街嘅女人為祈求生意興隆、身體健康，而將壽司卷唔切成條食嘅習俗開始。從一啲昭和年代初期大阪壽司店派發嘅傳單入面，可以見到當時壽司業界有宣傳呢個習俗，不過最初只係喺大阪地區流行。
70年代，紫菜業界為咗谷生意，聯同壽司店將「太巻き（ふとまき）」包裝成「幸運巻ずし」嚟宣傳，知名度先慢慢提高。一直要到90年代，由便利店、超級市場等牽頭，以「恵方巻」之名展開宣傳促銷，先開始喺日本各地普及起嚟。
不過而家亦都啲人唔buy㗎。早前「月曜から夜更かし」嘅意見調查，都有約3成人話唔會食恵方巻，覺得喺商業伎倆，唔會上當咁話。
如果你今年想體驗一吓恵方巻，食嗰陣記得向住「恵方」（吉利嘅方位）【年年唔同，今年係南南東（なんなんとう）即東南偏南】，心入面諗住願望，唔好講嘢一口氣食完呀！
資料出處：
http://www.mus-his.city.osaka.jp/news/2008/tenjigae/090128.html