每年4月底到5月初係日本嘅「ゴールデンウイーク」（Golden Week, GW），因為呢段期間有多個公眾假期，如果自己再請一兩日假，加埋啲星期六日，隨時砌個9日、10日連假出嚟都得。（香港人最叻呢樣）
「ゴールデンウイーク」係日本嘅旅遊旺季，對平時本身就算有大假都唔好意思請嘅日本人嚟講，係難得可以享受家庭樂嘅機會。
好多人會選擇返鄉下探親，又或者四出旅遊。每年呢段期間嘅新聞都離不開報導高速公路長長嘅車龍、人逼人嘅交通工具以及旅遊景點。
由於已經解除咗疫情期間嘅種種限制，加上今年有返海外遊客，估計今年GW期間嘅出行人數會多好多，應該會恢復返疫情前人山人海嘅繁榮景象喇。
資料出處：
https://www.tokai-tv.com/tokainews/article_20230414_26778