要你連續3日食同一樣嘢，應該冇問題，但3年呢？
零食生產商「不二家（ふじや）」，2020年6月開始喺佢哋其中一款叫「ホームパイ」嘅零食上面，隨機烘上佢哋公司嘅代表角色「ペコちゃん」（港譯：牛奶妹）嘅烤印（焼き印），每1000塊入面先得一塊。
日本有個男人為咗抽中有烤印嘅ホームパイ，堅持每日食4塊，足足連續食咗3年，終於喺今年2月9號俾佢抽到喇。
其實呢位仁兄曾經連續3年求籤都抽到凶籤。不過佢就覺得如果唔好運嘅話，就靠「實力」嚟逆轉，於是就幹勁十足又有啲固執咁不停食，認為遲早一日會中。佢亦覺得，就算冇神明嘅眷顧，世事總會有辦法嘅。
聽講呢舊嘢落勁多牛油，我淨係覺得咁食法，膽固醇好易爆燈⋯