繼續講吓存在文入面關於ある同いる嘅用法。
要選擇用邊個動詞，取決於你講緊嘅事物到底係「有情」定係「非情」（你冇睇錯，好似講緊佛偈）。有情即係「有個體意志、會諗嘢嘅」，非情就係「冇個體意志、唔諗嘢嘅」。
覺得好複雜？咁索性分辨「識郁」定唔「識郁」啦。識郁用いる，唔識郁就用ある。植物唔識郁，所以用ある。（Yeah，咁就唔使同我拗植物都會思考㗎呢類問題喇）
就係咁，所以你行過日本街頭會聽到人講：
「あそこにタクシーがいるよ」（嗰度有的士呀）
的士入面有司機，日本人睇佢係一個整體，司機揸住架車，所以當架的士係有意志嘅，用いる。
（簡單理解：有人揸即係識郁啦，用いる）
「車庫にタクシーがある」（車庫裡有的士）
的士停咗喺車庫，死物一件啦，冇意志嘅，用ある。
（簡單理解：停咗喺度冇人揸就唔識郁啦，用ある）